ශ්‍රවණාබාධිත ප්‍රජාවට 119 හදිසි සේවා අංශය සමඟ WhatsApp හරහා සම්බන්ධ වීමට සලසා ඇති ප්‍රවේශ සේවාව 2026 සැප්තැම්බර් 10 සිට ක්‍රියාත්මක කිරීමට පොලිසිය කටයුතු කර තිබේ.
ස්ථිර විශේෂ කෙටි අංකයක් හඳුන්වා දෙන තෙක් මෙම සේවාව සඳහා භාවිත කළ යුතු තාවකාලික අංකය:
011-2809980
ය.
සේවාව භාවිත කරන ආකාරය
- 011-2809980 අංකය දුරකථනයේ සුරකින්න.
- WhatsApp හරහා එම අංකයට audio call එකක් ලබාගන්න.
- ඇමතුම විසන්ධි වූ පසු දුරකථනයට ලැබෙන link එක විවෘත කරන්න.
- “Join Browser” තෝරන්න.
- ඉන්පසු “Join Meeting” තෝරන්න.
මෙම ක්‍රියාවලියෙන් 119 හදිසි සේවා අංශය සමඟ වීඩියෝ සම්බන්ධතාවයක් ඇති වේ.
පොලිසියට අනුව, සංඥා භාෂාව පිළිබඳ දැනුම ඇති නිලධාරියෙකු වීඩියෝ සම්බන්ධතාවය හරහා තොරතුරු ලබාගෙන අදාළ පොලිස් ස්ථානය වෙත හදිසි තොරතුරු යොමු කරනු ඇත.
පසුබිම
මෙම සේවාව 160 වන පොලිස් දිනයට සමගාමීව සැප්තැම්බර් 3 වනදා හඳුන්වා දී තිබුණි.
පසුව සැප්තැම්බර් 10 සිට එය ක්‍රියාත්මක කිරීමට අවශ්‍ය කටයුතු සම්පූර්ණ කර ඇති බව පොලිසිය ප්‍රකාශ කළේය.